बया बया बया !
काय झालं बया ?
दादला नको ग बाई मला नवरा नको ग बाई !
मोडकंच घर, तुटकंच छप्पर
अवं मोडकंच घर अन् तुटकंच छप्पर
अवं पन ऱ्हायाला घरंच नाही
मला दादला नको ग बाई !
फाटकंच लुगडं तुटकीच चोळी
अवं फाटकंच लुगडं अन् तुटकीच चोळी
पण शिवायला दोरा न्हाई
मला दादला नको ग बाई !
कळण्याची भाकर, अंबाड्याची भाजी
अवं कळण्याची भाकर अन् नुसतीच अंबाड्याची भाजी
वर तेलाची धारच न्हाई
मला दादला नको ग बाई !
एका जनार्दनी समरस झाले
पण तो रस येथे न्हाई
मला दादला नको ग बाई !
नगं, नगं, नगं !
का ग बाई, का ग बाई, का ग बाई ?
