ज्येष्ठ पत्रकार डॉ. विजय चोरमारे यांनी उपमुख्यमंत्री अजित पवार यांची विशेष मुलाखत घेतली. या मुलाखतीत राजकारणापलीकडचे अजित पवार कसे होते, कसे घडले, तसेच अजित पवार यांचं बालपण, शिक्षण आणि राजकारणातील प्रवेश या विविध मुद्द्यांवर अजित पवार यांनी स्वतः माहिती दिली आहे.
राजकीय करिअरच्या सुरुवातीची आठवण सांगताना अजितदादा म्हणाले, माझी पहिली निवडणूक 1984 साली काटेवाडी गावातील विविध कार्यकारी सेवा सोसायटीची होती. त्यात आमच्या पॅनलचे 18 उमेदवार निवडून आले. त्यानंतर बारामती बँकेच्या संचालक पदाची निवडणूक लढली. तिथे निवडून आलो. चेअरमन झालो. त्यानंतर 1991 मध्ये खासदारकीचं तिकीट मिळालं. खासदारही झालो. काँग्रेसमध्ये एक नंबरने आणि देशात दोन नंबरचे मताधिक्य मिळवत मी खासदार झालो. त्यावेळी मला साडेचार लाख मते मिळाली होती. तर प्रतिस्पर्धी उमेदवाराला एक लाख मते मिळाली होती, अशी आठवण त्यांनी सांगितली.
माझा राजकीय वारसदार कोण?
माझा राजकीय वारसदार कोण असेल असा विचार मी कधीच केला नाही आणि असा विचार करण्यात काही अर्थही नसतो. ज्याच्यात कर्तुत्वगुण, नेतृत्वगुण असतात ते लोक पुढे जात असतात. राजकीय लोकांच्या कुटुंबातील पुढील पिढीला प्रत्येकालाच राजकारणाची आवड असते असे नाही. आमच्या इतक्या मोठ्या परिवारात राजकारणाची आवड आधी फक्त शरद पवार साहेबांना होती. तिसऱ्या पिढीत आम्ही सगळी 15 भावंडं. या पंधरा भावंडात राजकारणाची आवड कुणाला होती तर अजित पवार. आता पुढल्या पिढीत रोहितला राजकारणाची आवड होती, आणि तो पुढे आला, अशा शब्दांत राज्याचे उपमुख्यमंत्री अजित पवार यांनी आपल्या राजकीय वारसदाराबाबत भाष्य केलं.
मला महाराष्ट्राच्या राजकारणात रस
दिल्लीच्या राजकारणात मला जायचंच नाही. पक्षाने जरी मला सांगितलं तरी मी त्यांना सांगेन की दुसऱ्या कुणाला तरी सांगा. आपण त्यासाठी सर्वस्व पणाला लावू. मी तिथलं राजकारण पाहिलं आहे. ते जरा वेगळ्या प्रकारचंच राजकारण आहे. महाराष्ट्रातलं राजकारण वेगळं आहे. मला लोकांची कामं करणं, स्वतःची मते स्पष्टपणे मांडण्यास आवडते त्यामुळे मला महाराष्ट्राच्याच राजकारणात रस आहे, असे अजित पवार म्हणाले.
आमचे सर्व लेख आणि माहिती मिळण्यासाठी फॉलो करा: फेसबुक । इंस्टाग्राम । ट्विटर । टेलिग्राम । शेअरचाट
आता रायगडचे पर्यटन, विशेष बातम्या, दिनविशेष, आरोग्य यासंदर्भातील माहिती मिळण्यासाठी आमचे टेलिग्राम चॅनेल नक्की सबस्क्राइब करा. https://t.me/RaigadExplore
आमचे इतर लेख वाचण्यासाठी क्लिक करा: www.raigadexplore.in
पुढील लिंक क्लिक करून डेली अपडेट्ससाठी आमचा रायगड Explore व्हाट्सअप ग्रुप जॉईन करू शकता: Join What’s App Group