माणगाव, रायगड: मुंबई-गोवा महामार्गावरील मध्यवर्ती ठिकाण म्हणून ओळखल्या जाणाऱ्या माणगावमध्ये आठ वर्षांपूर्वी नाट्यगृह मंजूर झालं. सांस्कृतिक चळवळीला चालना मिळावी, यासाठी हा महत्त्वाकांक्षी प्रकल्प हाती घेण्यात आला होता. मात्र, आठ वर्षांनंतरही हे नाट्यगृह निधीअभावी अपूर्णच आहे आणि नाट्यप्रेमींमध्ये याबाबत तीव्र नाराजी आहे.
सुरुवातीला मंजूर झालेला निधी आताच्या बांधकाम साहित्य आणि मजुरीच्या वाढलेल्या दरांमुळे अपुरा पडत आहे. यामुळे ५० टक्के काम पूर्ण होऊनही, विशेषतः प्रेक्षक गॅलरीचे काम अंतिम टप्प्यात असतानाही, पुढील प्रगती ठप्प झाली आहे. नागरिकांकडून नाट्यगृहाच्या पुनर्मूल्यांकनाची आणि वाढीव निधीची मागणी होत आहे, जेणेकरून माणगावला एक सुसज्ज नाट्यगृह मिळू शकेल.
सध्या ५०० आसनक्षमतेचे हे नाट्यगृह अपुरे असल्याचेही मत व्यक्त होत आहे. पनवेल, रोहा, महाड आणि रत्नागिरी जिल्ह्यातील खेड, चिपळूण येथील नाट्यगृहांशी तुलना करता, माणगावच्या नाट्यगृहाची आसन क्षमता वाढवून ७०० ते १००० केल्यास दर्जेदार नाटके आणि कार्यक्रम आयोजित करणे सोयीचे होईल, ज्यामुळे रसिकांना चांगल्या कलाकृतींचा आस्वाद घेता येईल.
आमचे सर्व लेख आणि माहिती मिळण्यासाठी फॉलो करा: फेसबुक । इंस्टाग्राम । ट्विटर । टेलिग्राम । शेअरचाट
आता रायगडचे पर्यटन, विशेष बातम्या, दिनविशेष, आरोग्य यासंदर्भातील माहिती मिळण्यासाठी आमचे टेलिग्राम चॅनेल नक्की सबस्क्राइब करा. https://t.me/RaigadExplore
आमचे इतर लेख वाचण्यासाठी क्लिक करा: www.raigadexplore.in
पुढील लिंक क्लिक करून डेली अपडेट्ससाठी आमचा रायगड Explore व्हाट्सअप ग्रुप जॉईन करू शकता: Join What’s App Group